速遞&郵寄 - 包包

By Skylar Davis
at 2009-07-22T00:00

Table of Contents

希望你地明白我問的問題?!!?!!!!@@因為我要送貨比人,但對速遞&郵寄完全冇經驗.So,我要回答者回答得長細點!!!!!!1)咩叫掛號?2)掛號有咩用?3)天水圍天恒邊度有得速遞&郵寄?4)如果送貨比人,但係又吾可以面交,咁可吾可以用速遞&郵寄收錢?即係來回一轉,咁應該點講&點做?(只可使速遞&郵寄)5)我想知更多關於速遞&郵寄的細節!因為我真的完全不明白,我而家都亂晒!!!...Showmore

Tags: 包包

All Comments

By Isla
at 2009-07-22T23:31

1)咩叫掛號?掛號：因為需要額外支付多$13掛號費，郵局會特別處理，郵差會上門派遞，亦需核對收件者或代收者的身分證，收件者或代收者亦需要簽收郵件。好處：比較安全，亦少寄失機會。壞處：需要額外支付掛號費。2)掛號有咩用?會比平郵安全，因為郵局會特別處理掛號郵件，而每件掛號郵件都有「掛號郵件編號」，郵局會有記錄，寄件者及收件者亦可以憑「掛號郵件編號」於香港郵政網頁追蹤有關郵件。3)天水圍天恒邊度有得速遞&郵寄?速遞我就不太清楚，但郵局方面，你可以去以下兩間郵局做郵寄：天耀郵政局天水圍天耀天耀商場1樓L122號舖位辦公時間：星期一至星期五上午九時三十分至下午五時星期六上午九時三十分至下午一時天悅郵政局天水圍天悅悅泰樓B翼地下一號辦公時間：星期一至星期五上午九時三十分至下午五時星期六上午九時三十分至下午一時4)如果送貨比人,但係又吾可以面交,咁可吾可以用速遞&郵寄收錢?即係來回一轉,咁應該點講&點做?(只可使速遞&郵寄)你可以要求收件人以銀行入數或轉帳方式先比錢你，此方法會比較安全。如果你真的要郵寄金錢，根據香港郵政「郵政指南」-禁寄物品[PDF]第10條屬禁寄物品，郵局職員會拒絕接收欲予發送的禁寄物品；如郵件在轉運途中始被發現為禁寄物品，則會被扣起。這些物品將會以香港郵政認為合適的方法處理。在某些情況下，寄件人會遭檢控。不過，若以掛號信件形式或按照目的地國家的規定以保險信件形式投寄上述物品，則可獲收寄。故此，如果你需要郵寄金錢，必須著對方必須以掛號郵件方式寄出。5)我想知更多關於速遞&郵寄的細節!因為我真的完全不明白,我而家都亂晒!!!事前準備：如果寄包裹：你要搵個堅固少少的盒，如果你要寄的野是易碎，你最好加埋泡泡紙及報紙保護。至於個盒外面，如果你認為無所謂，可以唔使包，否則，可以搵張花紙、報紙、顏色紙包好。（郵寄先要做）你個盒上面的正中間，填上收件人的詳細地址及收件人姓名。郵票則貼於地址個面的右上角。如果個面無白色位置比你寫，你可以貼張白紙再係上面寫。（郵寄先要做）你既回郵地址，可以寫埋係收件人地址個面，但字體要比收件人地址為小，或寫於包裹背面。如果你的包裹入面係易碎物品，你可以係收件人地址個面，加句"易碎品，小心輕放"。郵寄先要做）如果你寄掛號，由於郵局要貼張掛號BARCODE，你要係收件人地址個面預留位置。郵寄程序：如果你已經肯定自己已經貼上足額郵票，又唔需要掛號。你可以將郵件投入郵筒"平郵"或"空郵"的空格內。如果你需要買郵票、唔知需要幾錢郵票、需要掛號或其他服務，你就要去郵局投寄有關郵件。有關程序如下：1.首先拎件已經包裝好的郵件，並已經寫好收件人及回郵地址等資料，去郵局。2.同個職員講話你想將份件寄去某地方，用平郵定空郵，需唔需要掛號。3.跟住個職員會磅你份件，再加上郵費及其他額外服務的收費（如掛號、特快等），之後會將個總額話比你知。4.你比錢買郵票，再將郵票貼於郵件上，再交回職員處理。5.你已經完成投遞，如你選擇掛號，你就要填多張"投遞掛號證明書"（只限本地郵件），之後職員會比番張"投遞掛號證明書"你，你拎埋就可以走。速遞：1.你拎份件到速遞公司。2.填寫表格，上面要填寄件人資料、收件人地址、收件人姓名、收件人聯絡電話等。3.繳交速遞費用。4.拿取收據完成。...Showmore

速遞&郵寄 - 包包

All Comments

Related Posts

出國該注意的事項及行李注意事項

如果是花自己賺得錢算是敗家嗎？

＊麻煩請懂”韓文”的來幫我翻譯這網頁?

怎麼辦生日要送什麼??????????????急需7/25號

不知道送給女朋友什麼禮物